ಬರೋಬರಿ 1199 ರೂ.ಗೆ ಕೆಜಿ ರೇಷ್ಮೆಗೂಡು ಬಿಡ್ ಶಿಡ್ಲಘಟ್ಟ ರೇಷ್ಮೆಗೂಡು ಮಾರುಕಟ್ಟೆ ಇತಿಹಾಸದಲ್ಲೆ ದಾಖಲೆಯ ಬೆಲೆಗೆ ರೇಷ್ಮೆಗೂಡು ಮಾರಾಟ

ಶಿಡ್ಲಘಟ್ಟ: ಇಲ್ಲಿ ರೇಷ್ಮೆಗೂಡು ಮಾರುಕಟ್ಟೆಯಲ್ಲಿ ದ್ವಿತಳಿಯ ರೇಷ್ಮೆಗೂಡು ಬುಧವಾರ ದಾಖಲೆಯ ಬೆಲೆಗೆ ಮಾರಾಟವಾಗಿದೆ. ಒಂದು ಕೆಜಿ ದ್ವಿತಳಿ ರೇಷ್ಮೆಗೂಡು ಬರೋ ಬರ್ರಿ 1199 ರೂ.ಗಳಿಗೆ ಮಾರಾಟವಾಗಿದೆ. ಇದು ಇಲ್ಲಿನ ಮಾರುಕಟ್ಟೆಯ ಇತಿಹಾಸದಲ್ಲೆ ಅತ್ಯಕ ಬೆಲೆಯಾಗಿದೆ.
ಮಧುಗಿರಿ ತಾಲೂಕಿನ ತಿಪ್ಪನಹಳ್ಳಿಯ ರೇಷ್ಮೆ ಬೆಳೆಗಾರ ರೈತ ಪ್ರದೀಪ್ ಅವರ ರೇಷ್ಮೆಗೂಡನ್ನು ಶಿಡ್ಲಘಟ್ಟದ ರೇಷ್ಮೆಗೂಡು ಮಾರುಕಟ್ಟೆಯಲ್ಲಿ ರೀಲರ್ ಅಲ್ಲಾಭಕ್ಷ್ ಇ-ಹರಾಜಿನಲ್ಲಿ 1199 ರೂ.ಗಳ ಬಿಡ್ ನೀಡಿ ಖರೀಸಿದ್ದಾರೆ.ಶಿಡ್ಲಘಟ್ಟದ ರೇಷ್ಮೆಗೂಡು ಮಾರುಕಟ್ಟೆಯಲ್ಲಿನ ನಾಲ್ಕು ದಶಕಗಳ ಅವಯಲ್ಲೆ ಅತಿ ಹೆಚ್ಚಿನ ಬಿಡ್ ಇದಾಗಿದೆ. ಇದರಿಂದ ರೈತ ಫುಲ್ ಖುಷಿಯಾಗಿದ್ದಾರೆ. ಹೆಚ್ಚಿನ ಬೆಲೆ ಸಿಗಬಹುದೆಂದು ನಿರೀಕ್ಷಿಸಿದ್ದೆ ಆದರೆ ಇಷ್ಟು ಬೆಲೆ ಸಿಗುತ್ತದೆ ಎಂದು ಕನಸಿನಲ್ಲೂ ನಿರೀಕ್ಷೆ ಮಾಡಿರಲಿಲ್ಲ ಎಂದು ರೈತ ಪ್ರದೀಪ್ ಸಂತಸವನ್ನು ಹಂಚಿಕೊಂಡಿದ್ದಾರೆ.
ಇತ್ತ ರೀಲರ್ ಕೂಡ ರೇಷ್ಮೆಗೂಡಿನ ಗುಣಮಟ್ಟ ಚೆನ್ನಾಗಿತ್ತು ಹಾಗಾಗಿ ಒಳ್ಳೆಯ ಬಿಡ್ ಕೊಟ್ಟೆ ಆದರೆ ನನ್ನದೇ ದಾಖಲೆಯ ಬಿಡ್ ಎಂದು ಗೊತ್ತಿರಲಿಲ್ಲ. ಬಿಡ್ ನನ್ನದೇ ಆದ ಮೇಲೆ ನನಗೂ ದಾಖಲೆಯ ಬೆಲೆ ನೀಡಿದ ಖುಷಿಯೂ ನನಗಾಗಿದೆ ಎಂದು ರೀಲರ್ ಅಲ್ಲಾಭಕ್ಷ್ ಹೆಚ್ಚಿನ ಬಿಡ್ ಬಗ್ಗೆ ಅನಿಸಿಕೆ ವ್ಯಕ್ತಪಡಿಸಿದ್ದಾರೆ.